Todo vai ir ben

Todo vai ir ben provén dun exercicio didáctico de creación colectiva ao redor da imaxe e os seus diferentes usos. Fraguado en paralelo ao estado de alarma, o proxecto propón a viaxe introspectiva a través dos participantes do mesmo, formando unha visión plural da extravagante cotianidade experimentada neste ano 2020.

Poponnos unha peza audiovisual onde os encontros entre imaxes funcionan a modo de pulso, nunha representación do que acabaré sendo o resultado final desta proposta.

Proxecto desenvolvido por Habelas Hainas Estudio Creativo e coordinado por Jacobo Ameneiro.

Con: Aurora Díaz | Macarena | Fabiola Ferrer Pombillo | María Astorga | Claudia Botana | Goyo | Ana M. Arenaz | Daniel Muñiz Torres | Lestonnac Ibáñez | Fausto Rodríguez Montero

Jacobo Ameneiro, A Coruña 1983 é fotógrafo, docente e creador. Nos seus primeiros proxectos achégase á fotografía documental, desenvolvendo posteriormente en Madrid, onde inicia a súa andaina profesional, diversos traballos de investigación en torno ao retrato.

Dende 2014 establece o seu estudo na Coruña, sendo parte activa de diversas iniciativas culturais, impartindo clases de fotografía e traballando como fotoxornalística para La Voz de Galicia.

En 2016 participa en diversas exposicións colectivas, é seleccionado para Descubrimientos PHotoEspaña, asiste como artista convidado á feira de arte contemporánea Cuarto Público, pasando a súa obra a formar parte da colección desta institución

Dende 2017 o seu interese céntrase nas posibilidades da imaxe en diversos contextos sociais: proxectos como Conversas co Ágora, Imaxes que Habitan CorposEspazo BrancoMuy SagradaUnha realidade incerta son un exemplo.

Na actualidade diversifica súa actividade entre o seu traballo de autor e a dirección de Habelas Hainas Estudo Creativo, marca na que conflúen proxectos curatoriales, formativos e dinamizadores da imaxe, así como material comercial sempre baixo un prisma innovador e creativo.

jacoboameneiro.com