Skin

Alex Domènech

Skin lévanos a espazos de intimidade inmersos nunha contorna hostil. Retrata unha viaxe que cruza territorios xeográficos, políticos e relixiosos onde a liberdade de expresarse libremente vese atrapada nun refuxio construído á forza. Un espazo que nos protexe da ferinte e violenta metralla ideolóxica. Cal é o noso lugar no mundo cando este non nos acepta?

Como home gai viaxando polo globo, vin moitas veces como o dereito ás miñas liberdades básicas foi relegado a un plano privado, en moitas ocasións secreto. As imaxes neste traballo son o que para min é esta viaxe que vai do hostil cara ao íntimo e viceversa, e de como eses dereitos seguen sendo recubertos por capas de violencia e medo. A máis hostilidade, maior necesidade de intimidade. Unha relación que parece ser directamente proporcional.

As fotografías foron tomadas en Kirguizistán, Siria, Líbano e España entre 2018 e 2020. Aínda que algunhas teñen o seu lugar no mapa, outras poderían suceder nun ou outro lugar. A pel erízase igual aquí e en todas partes. As marcas e  arañazos son testemuño de paixóns que espertan no privado. As cicatrices aínda pican e a memoria doe. Vastos terreos foron convertidos en campos de batalla, ante os ollos daqueles que os viron convertidos en terra de ninguén.

FNAC
Mercado Eusebio da Guarda.
Praza de Lugo
6NOV-6DEC 21
Organiza:

Alex Domènech (Santpedor, Barcelona, 1986). Despois de estudar Dirección de cinema na Escola de Cinema de Barcelona, decide dar un xiro cara á imaxe fixa e se  gradúa en Fotografía no Institut d’ Estudis  Fotogràfics de Catalunya.

Desde 2012 viviu en Londres e Tbilisi, combinando as súas estancias con longas viaxes por diferentes partes de Europa e Asia. En 2016 volve a Barcelona, adquirindo novas formas de ver e entender o mundo. É nese momento cando sente a necesidade de darlle máis profundidade aos seus proxectos fotográficos, e faio especializándose en Fotografía Documental de Autor no Observatorio, onde estudará tamén Narración e Edición de  Fotolibros, complementando así o seu achegamento ao obxecto fotográfico. A partir de entón forma parte de varias exposicións colectivas (240 m2, Vida Líquida, Xanelas Emerxentes #1) e  co-funda o colectivo  Hadar206, con quen publica o  fanzine “ Voyeurism” e participa no Art  Photo Bcn e Fotolimo, ambos en 2019 xunto co Observatorio. En 2020 gaña o premio Novo Talento Fnac de Fotografía polo seu traballo Skin.

A fotografía de Alex mira cara ás marxes, entra e explora lugares fóra do común, os límites. Crea universos a través dunha linguaxe que se constrúe desde ese punto de vista no que se atopan, mestúranse e sepáranse as técnicas, as poéticas e as identidades. Nos seus últimos proxectos, madurou un discurso no que as historias se contan desde a intimidade do vivido, cara a novas perspectivas.