Origen o cuando la marea baja

Ana Paes

Origen o cuando la marea baja é unha acumulación de momentos que a autora viviu preto da súa familia e persoas queridas ao longo de aproximadamente dous anos, reunidos e conectados como parte dun impulso maior de mirar cara a dentro de si mesma. A relación entre estas vivencias, algunhas moi diferentes e illadas entre elas, flúe no plano do subxectivo.

Entre as devanditas vivencias está a viaxe-reencontro coa súa irmá Sara en Toronto, que foi viaxe e catarse persoal á vez. Tamén están as paisaxes de marea baixa que se repiten no seu imaxinario ao longo dos anos. Outros momentos son cos seus pais, experiencias de xogo sinxelas, como rexistrar o que fan cun prego de papel ou o que crean a partir de elementos elixidos por eles, como o pan e a terra. Entrar xuntos no xogo e re-coñecerse desde outros lugares. Quizais a imaxe final é en parte escusa para a vivencia compartida.

Fundación Luis Seoane
SALA PROXECCIÓNS PLANTA BAIXA
5NOV-12DEC 21

Ana Paes (A Guarda, 1982) é licenciada en Historia da arte pola Universidade de Santiago e Máster propio en Historia e Estética da Cinematografía polaUniversidade de Valladolid.

A súa formación en fotografía e cinema está moi vinculada á investigación de técnicas analóxicas. En 2015 foi unha das gañadoras da I Convocatoria ‘Género y Figura’ e no 2017 participou no VII Encontro de Artistas Novos en Compostela. En 2019 formou parte das Projections Night’ s Artists en Loading Fest do Porto e expuxo unha selección de imaxes do seu último proxecto, Origen o cuando baja la marea, en La Casa Encendida de Madrid, xunto a unha mostra de material de traballo e do seu arquivo persoal. Tamén formou parte de los ‘Lunes Fotográficos’ da Sociedad Fotográfica Arabesa e coordinou e impartiu diferentes talleres no Laboratorio de fotografía no espazo artístico independente LAGO, en Madrid.

Ademais, Ana autopublicou varios dos seus proxectos, como Ser cuerpo e Ensaio II.