Florilegio

Colectiva

Florilegio. Exposición inAccesible é o proxecto de 15 alumnos do ‘Taller de Fotografía Inclusiva con Espíritu Profesional’ impulsado pola Fundación María José Jove. Os autores Aarón Rey, Adela Ordóñez, África Rivas, Alex Lugris, Antía del Río, Carla Padín, Diana Shevchenko, Diego Martínez, Gloria Cousillas, Hugo Otero, Jorge Baizán, Laura Regueiro, Luis Corraliza, Pablo Merelas e Sasha López queren homenaxear con este traballo a todos os profesionais anónimos (sanitarios, docentes, comerciantes…) que durante os últimos tempos mantiveron vivo o pulso da cidade. 

O resultado son 39 imaxes que se poden ver nunha peza audiovisual na Fundación Luis Seoane e nunha instalación na contorna da Praza de Lugo, con forma de pirámide de catro metros de altura, que pode contemplarse con dificultade, xa que inclúe certas ‘barreiras’ que son un exemplo das que experimentan na súa vida cotía as persoas con diversidade. 

O proxecto Florilegio desenvolveuse durante os meses de abril e xullo de 2021 baixo a coordinación de Nos Why Not. 

contorna praza de lugo
instalación
3NOV-3DEC 21
 
fundación luis seoanE
peza audiovisual
5nov-12DEC 21
Organiza:

Nos Why Not é unha axencia de fotografía que naceu en Oleiros no ano 2013. Realiza todo tipo de traballos e encargos fotográficos e xa ten proxección internacional con colaboradores en Madrid, Barcelona ou Buenos Aires. A súa particularidade é que se trata da primeira axencia de España e do mundo composta por fotógrafos con diversidade funcional.

O fotoxornalista barcelonés Felipe Alonso é o responsable deste proxecto sen ánimo de lucro e a prol da integración social e laboral. Nesta iniciativa pioneira, Alonso imparte obradoiros a persoas con diversidade que, tras esta etapa de formación, poden integrarse no equipo de traballo da axencia.